par Nan yon nòt li mete deyò, Primati fè konnen jounen mèkredi dèsann nan, kidonk mèkredi 2 Mas 2022 a (ki sèvi jounen nan tradisyon nou pou boule madigra) ap konje.
Li raple tou jounen Madi Premye mas la konje tou. Madi sa a se ap Madigra.
Lendi gra, ki li menm ap tonbe 28 fevriye ap konje a patid midi. Kidonk, se demi jounen travay pou moun k ap travay yo.
Yon wikenn manch long pou Popilasyon an banbile nan Kanaval epi rekòmanse travay jedi 3 mas 2022.
Nou ka swete tout moun jwi jou konje sila yo epi fè tout sa k depann de li pou li rete vivan aprè Kanaval.
