par 
Pou lakilti, pou penti, pou valè, pou lanmou !
Wismy Faustin yon jèn pent ki boure ak talan, ki plen kreyativite ki vizib nan zèv li yo, mete an lonè yon siprèm, imòtalize yon limòtèl, yon fanm vanyan nasyonal ki vin entènasyonal, e menm mondyal pou sa zèv li reprezante nan sinema pou mond sinematografik la.
Gessica GENEUS, se yon chantèz, yon aktris, yon komedyèn, se yon reyalizatris, ki fèt Pòtoprens yon 23 desanm, ki gen 36 lane.
Pou rezon sa yo ak sa Gessica reprezante pou Ayiti, pou lakilti, li se senbòl pasyon ak lanmou, ki jayi yon sous enèji, se yon imòtèl ki dwe imòtalize selon Wismy Faustin. « Pou travay Gessica Geneus ap fè nan mond lan nan sektè sinematografi a kòm Fanm, Moun, Ayisyèn, li mete anpil lanmou ,respè, ak enèji nan men nou .
Mwen Wismy Faustin kòmkidire jèn pent anndan peyi a m deside imòtalize Gessica. G nan yon zèv
Se tout yon plezi pou m te penn gwo potorik fanm saa San m tap bliye #freda ki se dènye pwojè Gessica ki pa sispann ranmanse pri, twofe, lonè nan peyi blan ».
Freda ranpòte anpil pri entènasyonal nan plizyè peyi, fè pale de li nan pigwo festival sinematografik yo.
Nap raple ou Gessica Geneus deja soti yon album ki rele ASE, li ekri epi reyalize FREDA, li jwe nan film ak seri tankou Douvan Jou Ka Leve, Vizaj Nou, Freda, Toussaint Louverture, Barikad, Cousine.
