Fernando Estime gen anpil « extra ticket » pou match Ayiti 🇭🇹 ak Danmak 🇩🇰 la.

Fernando ap bay tikè ak tout moun ki vle mete mayo Ayiti, menm si l pa ayisyen depi li vle ale sipòte seleksyon an li ap ba yo tikè pou dènye match premye faz la. « Nou bezwen anpil Ayisyen🇭🇹🇭🇹🇭🇹 vinn fè bri Stad ⚽⚽⚽ la… » se sa Fernando ekri.

Match desizif pou tout ekip gwoup la, Ayiti li menm ki nan dènye pozisyon ak zewo pwen malgre sa toujou espere kalifye pou dezyèm faz konpetisyon sila. Fernando Estime ap mobilize pou gen plis sipòtè Ayiti nan dènye match la ki ak drapo epi mayo Ayiti pou chofe pou medam yo nan estad la.

Se pa yon sekrè Ayiti se ra peyi ki pa gen yon kominote ki vin sipòte lakay li nan mondyal sila ki se pi gwo vitrin pou vann kilti peyi nou nan mondyal la, ni gouvènman ni sektè prive fè kòmsi yo pa okouran si Ayiti ap patisipe nan pi gwo konpetisyon mondyal foutbòl la.