Koup dimond feminen : Nerilia Mondesir pale douvan laprès

Nerilia Mondesir pale douvan laprès epi fè konnen jan li konsyan de soufrans pèp ayisyen an.

Nan konferans pou laprès avan match Ayiti k ap gen pou jwe ak Angletè nan koup dimond foutbòl feminen. Kapitèn seleksyon nasyonal la Nerilia Mondesir pale e fè konnen tout ekip la deja motive pou al batay pou fyète peyi a.

Nerilia alyas Nerigòl konsyan de soufrans premye pèp nwa ki libere papa libète a. «Nou konnen Pèp la ap soufri, nou pwal mouye mayo nou pita paske nou konnen sa ka ede nan soulaje soufrans lan ».

Nan menm konferans sila antrenè seleksyon fè konnen tout ekip li a konplè e tout moun pare pou batay.

Nap raple w Ayiti ap jwe premye match li samdi 22 jiyè a nan kèk èd tan ankò.