Sou inisativ SOS jounalis ak AJH yon dizèn jounalis, patwon medya òganize on mach nan komin petyonvil pou mande liberasyon ansyen prezidan konsèy elektoral pwovizwa a, Pierre Louis Opont ki mari jounalis Marie Lucie Bonhomme, direktris Tele Puriel, bandi ak zàm kidnape depi plizyè semèn. Mach sa te soti bo lise nasyonal petyon-vil, fe wonn plas Sen Pyè a pou al bout menm kote a.

Madanm viktim lan, Marie Lucie Bonhomme fè konnen ravisè yo fè’l pale ak maril 3 fwa, sèlman pandan kèlke segond. Li fe konnen li pa gen lajan pou l bay ranson ravise yo mande a pou libere Opont. Madanm Bonhomme ki sipliye bandi yo libere mari l, remèsye tout moun ki te fè deplasman pou vin sipòte l.

akawotv