par Nan rejis abityèl li kote li pwopoze analiz tou kri reyalite politik peyi a an fonksyon lekti li, Jounalis Rudy Thomas Sanon fè konnen pati ak regwoupman tankou SDP, Fusion, Inite, Kadoa se yon ekip moun salòp
Nan emisyon Kisa nou vle li anime jodi 28 mas 2022 a ansanm AK jounalis Marie Raphaëlle Pierre ak Antilus Junior, Mesye Sanon deklare : ” Martelly panse tout moun nan pati salòp menm jan ak Fusion,Sektè demokratik ,Kadoa ak Inite.”
Pi lwen, li denonse jan Michel Martelly sadik paske li vle rapouswiv ak pwojè li benyen pou kraze peyi a epi enpoze tète li kòm gran seyè.
” Li fin mete nou nan sa nou ye la a epi li mawon. Li rantre sèlman lè l ap fè gwo reinyon”, se deklarasyon Jounalis Radio Ibo a.
Li di li regrèt li pa gen chans joure manman Michel Martelly paske l nan mikwo men li rezève l dwa reponn chak gren mesaj ansyen Prezidan PHTK ak Jovenelis yo .
Nan emisyon sa a , Jounalis yo denonse diskou demagòg ki te jwi nan machin Koripsyon Michel Martelly t ap pilote a epi kounya a k ap mande Viv ansanm.
Plizyè fanatik emisyon an ki te reyaji kwè se pwent yo te ansyen premye minis Evans Paul ,ki te dirije dènye Ekip gouvènman sou Martelly epi kounya ki ap dirije òganizasyon Viv Ansanm.
Gémina Jn Baptiste
