par 
Prezidan Ikrènyen an, Volodymyr Zelensky fè konnen, nan yon mesaj li pibliye sou rezo sosyo yo, lendi 25 avril 2022 a, se nan peyi Ikrèn avni Lewòp ak rès mond lan ap deside.
« Tout moun nan mond lan dakò se nan peyi Ikrèn desten Lewòp ak desten sekirite mond lan ap deside » deklare Zelensky nan diskou li a sou rezo sosyo yo, plis pase 60 jou aprè Larisi anvayi peyi Ikrèn.
Nan menm diskou li a, prezidan peyi Ikrèn nan ajoute, peyi li a ap akselere, toutan sa posib, mouvman li bò kote Linyon Ewopeyèn. Li kwè tou vizit prezidant komisyon ewopeyèn nan, Ursula Von der Leyen nan vil Kyèv se yon “moman istorik”.
Menm lè konba yo toujou kontinye nan rejyon ès peyi Ikrèn, Volodymyr Zelensky di gouvènman li a kreye baz nesesè pou rekonstwi peyi Ikrèn gras ak akò yo siyen ak kominote entènasyonal la espesyalman sou “kreyasyon fon espesyal pou rekonstwi peyi Ikrèn.
Alix ISRAËL
alixisrael53@gmail.com
