par 
14 jiyè 2021 an manm delegasyon foutbòl ayisyen an te sibi yon nouvo tès Covid-19 jan sa mande pou Gold Cup la , anvan yo te fè fas ak Kanada kap gen pou jwe demen nan kad konpetisyon sila. Rezilta 2 lòt jwè teste pozitif.
De jwè yo se atakan Duckens Moïse Nazon ak Roberto Baggio Louima, Selon yon kominike Federasyon Ayisyèn nan fè konnen.
Nan moman sa a, delegasyon an gen sèt (7) jwè pozitif nan Covid-19, jwè sa yo se Frantzdy Pierrot, Jems Geffrard, Isaac Raud, Louis Deedson Louicius ak Josué Duverger, Duckens Nazon ak Roberto Baggio.
Sepandan, kèk jwè kite teste pozitif anvan premye match kont Etazini yo pou kounyea teste negatif. Yon lòt bò te gen 2 jwè kite rive kòm ranfòsman nan mitan grenadye yo kise Alan Gérôme, meyè gadyen Don Bosco FC nan Petyon vil, avèk Bicou Bissainthe, jenn milye Real Hope la.
Malgre de nouvo ka yo idantifye nan lis grenadye yo men match Ayiti kont Kanada ap toujou fèt nan jou jedi kap 15 jiyè 2021 an, apati 7:30 p.m.
Christian Poinvil
