par 
Ansyen Senatè Youry Latortue ak Steven Benoît tal reponn kesyon komisè gouvènman Pòtoprens Bedford Claude.
Li te anviron 11 zè nan maten jodi lendi 12 jiyè 2021 an. Plizyè douzèn manifestan te prezan nan lakou ak devan lokal pakè a ki chita nan Bisantnè a (Sid Pòtoprens) pou te pote solidarite yo ak ansyen senatè yo.
Manifestan yo te tou profite lanse anpil pawòl piman bouk kont komisè gouvènman kòm kwa li ta kite ofisyèl ki tap sekirize prezidan repiblik la pou li ta tande an premye poutan se ansyen senatè yo komisè a vle tande , selon pwotestatè yo se pèsekisyon politik kòmisè gouvènman ap fè pou brourye vrè pis asasen ansyen prezidan defakto a.
Komisè gouvènman Pòtoprens la, Bedford Claude te kòmanse tande ansyen senatè Youry Latortue ak Steven Benoît nan kad ankèt sou asasina Prezidan Jovenel Moïse, selon enfòmasyon ki te asasinen pa yon komando nan rezidans prive li nan lannwit 6 pou rive 7 jiyè 2021 an.
Yon lòt bò, lòm afè yo Reginald Boulos ak Dimitry Vorbe, ki te gen envitasyon tou, yo pat fè aparisyon yo ni an pèsonn ni pa avoka yo . Selon tout dènye enfòmasyon ta sanble yo nan peyi lotbo dlo.
Christian Poinvil
