par 
Nan yon entèvansyon ansyen senatè ak majistra vil okay, Mesye Gabriel Fortune pale sou zak sasinay ki fèt sou prezidan.
Gabriel Fortune deklare se antouraj Jovenel ki bay tiye li, paske yo fè pati gwoup moun ki pa vle peyi a mache, ansyen senatè a lonje dwèt sanl pa site non sou moun kap dòmi leve ak manje ak prezidan. Li menm presize pou l di parenn prizidan se yonn pami gwoup apatrid sa yo.
Fortune fè konnen lè li pral kay prezidan menm sil gen randevou ak li, fòk li pale ak moun yo anpèsonn poul gen aksè pou l rantre, sekirite prezidan pat senp jan anpil moun ta fè kwèl.
Ansyen majistra e pwòch Jovenel Moise fè yon rale sou sitiyasyon peyi a, ak kijan politik la pati kite peyi a, kote gen yon gwoup apatrid, kise menm zantray ak moun kite asasinen papa nasyon an “Dessalines” ki kenbe peyi a nan kou kote se sèl yo ki mèt ak senyè.
Gabriel Fortune avanse pou li di yon jou avan yo asasinen prezidan, li te site non gwoup moun kap simaye zam nan peyi a, e se menm zam sa yo ki asasinen li paske anpil nan moun sa yo te nan antouraj prezidan.
