par 
Mèkredi 26 Jiyè 2021.
Li te anviron 6è 30 nan aprè midi yon gwo dife eklate sou wout pivè, nan kafou ant boulva pivè ak lekòl bon samariten an nan Vil Sen Mak, daprè anpil moun kite sou plas yo fè konnen rezon ki lakoz dife sa eklate se paske te gen anpil machann kitap vann gazolin nan galon e tou pre machann sa yo te gen yon machann fritay ki tap degaje li, e se sa kita lakoz dife sila eklate.
Nap raple pa gen moun boule men gen anpil poto elektrik ki te nan kafou a ki pran dife ak anpil fil kouran.
Nan vil Sen Mak se pa premyè fwa jan de problèm sa yo rive lè gen kriz gaz nan ponp prèske nan chak kafou ou pase nan vil la ou jwenn plizyè endividi chita ak galon ,bokit devan yo yap vann gaz malgre anpil fwa lapolis konn sezi gaz sa yo men sa pa anpeche moun yo toujou kontinye.
Nan moman dife a gen anpil chofè moto ak machin ki pat met dlo nan bouch yo pou yo te kritike otorite nan vil la ki pa janm pran yon mezi serye ak mèt estasyon gaz sa yo ki toujou di yo pa gen gaz pou yo vann machin ak moto poutan yo toujou vann moun ki ak droum, galon ki pral fè mache nwa ak esans yo nan moman kriz yo.
Christian Poinvil
