Fernando Live News: CNPN pale sou avansman ankèt, nan dosye asasina prezidan Jovenel Moise

Nan yon konferans pou la près, jodi vandredi 16 jiyè 2021 an, 10 jou aprè, kòmando te asasinen prezidan Repiblik la nan rezidans prive li selon otorite yo, CSPN nan te pale devan laprès de avansman ankèt sila ak planifikasyon antènan chèf Leta ki fikse pou 23 jiyè kap vini la.

Premye Minis pou yon ti bout tan doktè Claude Joseph fè konnen gen 23 arestasyon ki fèt, 7 manda damne, 10 kay fouye, 24 mezi konsèvatwa, genyen 5 polisye ki nan izolman, e yo fè 27 odisyon nan kad ankèt sila.

Claude Joseph avanse pou li di, li detèmine pou ankèt la vanse, e li pap dekouraje malgre anpil pis ki ta lanse pou brourye vrè pis la.

“Asasinen yo te konprann yo tap gentan efase endis yo, e panse tout moun tap kouri, pou yo te ka chape poul yo” selon Claude Joseph

Nan menm konferans pou laprès sa Direktè General Polis la, Leon Charles fè konnen ankèt la ap fèt nan 2 nivo, ankèt administrativ, sou polisye yo nan Enspeksyon General. Dezyèm nivo a nan Direksyon Polis jidisyè ak sipò FBI, INTERPOL.

Leon Charles avanse pou li di, yo kontinye ap chèche endis yo, swa bò kote popilasyon an, ak tout lòt eleman ki esansyèl pou avansman ankèt la.

Claude Joseph bò kote pa li te presize pou li di, se yon obligasyon moral pou l bay Jovenel Moise jistis, se swa yo asasinen l menm jan ak prezidan oubyen prezidan jwenn jistis.

Leconte Frederic te prezise pou li di se polisye ki te sou plas yo ki te pote sekou ak premye dam nan, epi mennen li lopital an ijans.

Nan menm konferans sila minis kominikasyon an ak kilti a, fè konnen, antèman prezidan Repiblik la ap fèt jan lalwa mande sa ak jan fanmi an deside a, sou demand fanmi prezidan yap fè fineray nasyonal la nan dezyèm vil peyi a, Okap Ayisyen, e li avanse pou li di madan prezidan ap rantre vin asiste antèman madanm li.

Nap raple w premye minis Claude Joseph fè konnen atik jounal nan peyi kolonbi ekri sou li a, ki ta fè kwè li ta enplike nan asasina prezidan Repiblik la, se konplo asasen yo, li minize yo.